རྡོ་རྗེ།
གནས་ཚུལ་བྱུང་ཚེས། - March 5, 2012
རྟགས། - Male
ལོ། - 18
ཕ་མིང། - ཅཱ་ཅཱ།
སྐྱེས་ཡུལ། - རྔ་པ་རྫོང་རྭ་རུ་བ།
འཚོ་ཐབས། - འབྲོག་པ།
ད་ལྟའི་གནས་སྟངས། - འདས་གྲོངས་ཕྱིན།
གནས་སྟངས་རྒྱས་པ། -
༄༅། །ཕྱི་ལོ ༢༠༡༢ ཟླ ༣ ཚེས ༥ ཉིན་བོད་ནང་གི་ཕྱི་དྲོའི་ཆུ་ཚོད ༦།༣༠ ཙམ་ལ་རྔ་པ་རྫོང་གཅའ་ཞང་གཅའ་རུ་བའི་གཤོག་སྨད་མའི་མགར་སྐྱ་ཚང་གི་ཕ་ཅཱ་ཅཱ་ཡི་བུ་རང་ལོ་ ༡༨ ཡིན་པ་རྡོ་རྗེ་ལགས་ཀྱིས་རང་ལུས་མེར་སྲེག་བཏང་སྟེ་རྒྱ་ནག་གཞུང་ནས་བོད་ཐོག་འཛིན་པའི་སྲིད་བྱུས་ལ་ངོ་རྒོལ་སྐད་འབོད་བྱེད་བཞིན་གཅའ་ཞང་ཐོག་དང་ཐག་ཉེ་བའི་ཟམ་ཁ་ཞིག་ནས་གཅའ་ཞང་ཐོག་གི་རྒྱ་མིའི་ལས་ཁུངས་ཡོད་ས་བར་གོམ་འགྲོས་གནང། མེས་ཤུགས་ཆེན་པོ་ཚིག་སྟེ་སྐབས་དེར་འདས་གྲོངས་སུ་གྱུར་འདུག བོད་མི་རྣམས་ཀྱིས་ཁོང་གི་ཕུང་པོ་ཁྱེར་རྩིས་བྱེད་སྐབས། ཉེན་རྟོག་པ་སོགས་སླེབས་ཏེ་ཕུང་པོ་བཙན་ཕྲོགས་ཀྱིས་རྔ་པ་རྫོང་ཐོག་ཏུ་ཁྱེར་འདུག གཅའ་ཞང་ནི་རྔ་པ་རྫོང་ཐོག་ནས་ཤར་ཕྱོགས་སུ་སྤྱི་ལེ་ ༧༠ ཙམ་གྱི་སར་ཡོད་པ་དང༌། དེང་སྐབས་རྒྱ་ནག་གིས་ས་བགོས་བྱེད་སྟངས་ལྟར་ན་འབྲོག་སྡེ་གཅའ་རུ་བ་དང༌། རྭ་རུ་བ། ནགས་ཚང་མ་ཕྱུགས་ལས་གོད་འགབ་བཅས་ཀྱི་ཞང་ཡིན་འདུག །
Comments
Post a Comment